من خلف القضبانمن فتحة صغيره في زنزانتي
كانت هناك على بعد امتار طفله في طريقها الى المدرسه
تسابق الريح صباحا في برد الشمال في سجن جنين المركزي
كانت الكلمه اقوى من سياط الجلاد وجبروت الاحتلال
يا بنت
يا بنت ياللي طالعه بهالبرد بكير
والدني عم تشتي
شو صار يا اختي
شو صار حتى ازرار الورد
عم ترتجف هالقد
شو صار حتى اتمرمغ المريول
هلاخصر المبلول
وانقطعت الشنطه
شو صار يا اختي
يمكن تزحلقتي؟؟
دستور
في هالطين
والمدرسه بعيده
لو كان في ايدي اعمل جناح واطير
ووصلك بكير
وامسح الدمعه عن جفونك
الله معك يا شاطره يصونك
لكن يا حسره ساعدي مغلول
وقيود في رجلي وبشكل مش معقول..مش معقول
سنتين او اكتر
تحت الارض محبوس في العتمه
والشمس ما مرت على جبيني
ورغم الضرب والجوع والنقمه
ما دمعت عيني
لكن دموعك فتحت لي جروح
فكرتها اندملت
وخلت عيوني تبوح باسرار
وبقصة عذاب كبير
ببكي على شعبي
شعبي اللي شاف الويل في الغربه
-------------------------------------------------
لان الحكاية لم تنتهي
واسطورة العشق مفتوحه على مصراعيها
كان لي مع (ن) قصة حول القصه
وانا اذ كتبت لها
فانا ا ستميحها عذرا على نشره
لانه اصبح بالنسبة لي جزء من الحكايه
ولم يعد سرا بين اثنين
قلت لها عن قصة (يا بنت)
فيها وجع كتير واسرار
فيها عذاب ورا القضبان
فيها عشق للارض والانسان
وفيها حب لحد الشهادة وصل
ومشوار في العتمه
وما طلع نهار
سافر مع النسمه
بليله ما فيها قمر
واكليل غار
عا راسه حمل
قالو انهبل
مجنون
صاع في الجبل
هناك هو بالجبل
هو الجبل.
كنا سوى
بسجن الهوى
نكتب شعر
مره يقول البيت
وشي مره انا
ونرسم صدى حكايات
ونغني
ولما ايجا التاريخ
ودعني
بعد كم سنه
افرجوا عني
وهو او يمكن انا
راح واختفى
ما بعرف مين منا مات
بالتاكيد مش هوي
يمكن انا
يمكن انا
يمكن... ما بعرف
بس مش هوي
قالولي هوي فوق
طلع فوق
بعيد في السما
بالعيد بيجي
مع طيور مهاجره
اذا شفتي
سلمي عليه
قليلوه رفيقك
ترك ورقه الك
تحت الداليه
------------------------------------------
لحد هون توقفت
ما كملت مع نون
بدكو الصراحة
ما قدرت
والجرح في قلبي كبر
حتى صرت ابكي
مثل طفل
كاني هالليله خلقت
ودمعي عل خدي نزل
يهطل هطل
نبضات قلبي تخربطت
والصوت عم يهدر هدر
رجعت كل شي لاورا
كاني بروحي سافرت
الباب كان مفتوح
زنزانه رقم.....(...)
كنا نسميها القبر
ما فيها معني للصبر
هناك كان بينظر
هلا..كيفك؟؟ حبيبي
حضني وابتسم
شعرت بلسعة برد
وشوية ندم
قالي: جيت؟؟
فكرتك متت؟؟
اتلعثمت..
وكاني قدرت..اتبسمت
حاولت قوله..ما قدرت
شفت القبر..شوي صغر
والارض اتعبت حبر
وشوي عانفسي فقت
عرف صديقي اني خفت
احكالي نكته..تنعنشت
بعدا ضحكت
قلي تعال نكتب شعر
هات الورق
قلت ما في
قالي والبنت؟؟
قلت كبرت
قالي لأ
قلت اتجوزت
قالي لأ
شوف من الشباك
وتاكد
قمت وقفت
ويااااا دوبي والله قدرت
شو بدي اقول
مش معقول
اقسم بالله اني شفت
والله شفت
والله شفت
احلى بنت
وهي نفسها اللي تزحلقت
وهايني ارجعت
احكيلكم قصة (يا بنت)
--------------------------------
انه الترياق
الالم
والسم
حد الانعتاق
ارى في عينيك شمس
ونهار قادم لا محال
------------------------------------
المتمرد
دائم الثورة يا وطني
لك اشراقة صبح
وعتابا
واهازيج فرح
ميجانا يا ميجانا يا ميجانا
سيصدح موال الهوى الفلسطيني
يما موال الهوى....يما مواليه
ضرب الجناجر ولا...حكم النذل بيه
يومها
ستعجن هي الحناء
فاذا رايت الغبار
وتحلقت النسوة في صحن الدار
وتقاطر الصبية في صفوف
يمين يسار
وجاؤا بالفرس
وبعض اغصان السرو
واورق عنب
وعطر ودخان
وجاء الحلاق بموس ذهبيه
وانشوة وناي
عاريسنا زين الشباب
زين الشباب عاريسنا
اعلم بانك في بيت شهيد
------------------------------
مجرم شطب كلمة ( مجرم ) من النص في رد كان لغريب الزمان
فكان ردي ::
غريب الزمان
غريب المكان
فلا الزمان زمانك
ولا الزمان زماني
لقد قلتها
(لم يتناهى إلى مسامعي أنهم صنَّفوها كلمة خارجة على القانون)
وانا كذلك يا ابن امي
والله ما فرحت لنص اكثر منها
(مجرم)
اصابتي في الصميم
وكان ردي ابتسامة
بانك (حرقتني)
فكان ان شطبوا نصي ونصك
فتناصفنا الانشطار
نصفي ونصفك
فلا انا مجرم
ولا انت قاتلي
كلانا ضحية الانفعال
غريب الزمان
غريبين نحن
وان الغريب للغريب قريب
الا ليت شعري
فديتك عمري ..لا تبالي
وانا كذلك مثلك لن ابالي
فلا تعتذر..
لان دمعك انقى واطهر
من الاعتذار
وان النهار قصير
وان القصور ليس فيك
ولكن في القصور
على جثتينا قد يرقصون
ويشعلوا في مقلتينا الشموع
ويقولون :
للموت قانون كذلك في الاعالي
هل يعرف الموتى فن الاقتتال؟
هل يتقنون التصنع بالحياة؟
هل يقرؤن الفاتحه على ارواحهم؟
وهل يدركون المعاني؟
تعال هنا يا غريب الزمان
وانت سيدة القصر تعالي
تعالوا نسال ناطورة الياسمين
ان ملت الزهرات حبات الندي
او تعبت المطرقه من ضرب السنديان
---------------------------
غريب الزمان
عبر ملايين السنين
لم تخطئ الفراشات الطريق الى النور
رغم انها كل مرة تمارس الانتحار.
ولذلك يا عزيزي ان كان لاحد حق في الغضب
فهو ( يا بنت) نصا وروحا
فانا خانتنا اللغة مرة ..تعالوا بنا نزيل الحبر عن هذه الصفحة
ولنتركها عذراء للابد
لان الكتابة ليست سوادا على الورق..انه ذلك البياض الناصع
الذي لم تلوثه اقلامنا بالخطيئه.
غريب الزمان
لا تسطيع طرق الباب بعد اليوم
لانني ببساطه
لا املك بابا
وان خيمتى الصغيرة
لها سقف السماء
بدون اعمده
اتسول الشعر
ولا املك في جيبي المثقوبة غير بعض المفردات
جمعتها من ذوي المرؤة مثل طرفة وعروة وعمرو
وقد من علي سيد الشعر وشيخي الدراويش محمود
بستة حروف قال انها تعادل الابجدية في كل اللغات
ف ل س ط ي ن
فهل اعتذر؟؟؟ كيف؟؟ ومتى؟؟ ولمن؟؟
(يا بنت) لك وحدك اقدم اعتذاري
--------------------------------------------
وهنا
اقدم الجزء التاني من يا بنت
وبحب انوه ..انه (يا بنت )
ليس لها مكان محدد
مره في الوطن
مره في الشتات
بتمارس حق العوده
مره بخيم ومره في مدينه
هي باختصار طفله
فلسطينيه حتى الشهاده
بتروح عالمدرسه
وعلاماتها منيحه كتير
فوق الريح
يوم بتلاقيها في يافا
بكره يمكن في القدس
بعده في عين الحلوه
وفي المسا بتلقيها بجنين
او يعبد...او بتقطف حنون
من سهل سخنين
اليوم رح نحكي قصه
خبرني اياها صديقي:
اللي صرتوا بتعرفوه
كان معي بجنين
مش بالبلد...
ولا بالمخيم...
كنا في السجن
مع بعض
بنسميها
(صحبة زنازين)
يعني الروح بالروح
واذا روح واحد بتروح
روح التاني بتروح....
ومن هون طلعت يا بنت
ضمن اختراع فلسطيني جديد
اسمه ( ادب السجون)
او بتعبير ادق
ادب الحركه الفلسطينية الاسيره
بعدين بنحكي عنه
ونترجع للقصيدة
اسمعوها وخبروها لاطفالكم
ضروري يعرفوا ( يا بنت)
عشان هي بعمرهم
رح يفهموا...قولوهم:
كان يا ما كان
مش من زمان
يا بنت -2
اذكر ايها الاطفال
اذكر طفلة بيضاء
في عمر الرياحين
جدائلها...مروج القمح في يافا
ضحكتها...انفلاق اللوز والرمان والتين
اذا ابتسمت....تدلى من السما قمر
تجمع حول ابتسامتها
ملايين الحساسين
اتوها في ثياب النوم
قبل الفجر
وقد خلعوا ظفائرها
وقد قلعوا اظافرها
وقد تركوا لها
خنجرا في الصدر
وكانت تدعى يا اطفال
ااااااااااااااه
تدعى دير يا.............
اخ، فان الاسم يكويني
-------------------------------------
ليست هناك تعليقات:
إرسال تعليق
ارحب بردودكم